Eusko Jaurlaritzako Elikadura, Landa Garapen, Nekazaritza eta Arrantzako Sailak 2025 Laguntza Plana aurkezteko jardunaldi teknikoak antolatu ditu Bizkaian eta Gipuzkoan, sektoreko profesionalekin batera nekazaritzaren, abeltzaintzaren, basogintzaren eta arrantzaren etorkizuna sendotzeko helburuarekin.
Plan estrategiko honek 150 milioi euroko zuzkidura historikoa izango du eta iraunkortasuna, digitalizazioa, klima-aldaketara egokitzea, belaunaldi-erreleboa eta genero-berdintasuna bezalako erronkei aurre egitea du xede, lehen sektorea lehiakorrago eta jasangarriago bihurtuz.
Jardunaldiaren data eta kokapena:
Gipuzkoa:
📅 Maiatzaren 27a, asteartea
🕙 10:00etan
📍 Gipuzkoako Parke Teknologikoa (Mikeletegi Pasealekua 53, Donostia)
Jardunaldiaren egitaraua:
-
10:00 – Elikagaien industriarako laguntzen aurkezpena
-
11:00 – Nekazaritza eta abeltzaintzako laguntzen aurkezpena
-
12:00 – Arrantza eta akuikulturako laguntzen aurkezpena
Azpimarratzeko laguntza-ildoak:
-
NPBren baitako nekazariei eta abeltzainei zuzendutako laguntzak
-
Ustiategien modernizazioa, berrikuntza eta dibertsifikazioa
-
Ekoizpen ekologikoa eta animalien ongizatea sustatzeko programak
-
Arrantza- eta akuikultura-sektoreko laguntzak, segurtasuna eta balorizazioa bultzatuz
-
Industria agroalimentarioaren eta basogintzaren garapena, landa-eremuko enplegua sustatuz
-
Emakumeak, gazteak eta belaunaldi-erreleboa babesteko neurriak
-
Ekonomia zirkularra, energia-eraginkortasuna eta klima-aldaketara egokitzea bultzatzen duten proiektuetarako laguntzak
Ekimena funtsezkoa da 2025eko erronkei aurre egiteko eta lehen sektore sendo, erresiliente eta lehiakor bat eraikitzeko. Sektoreko profesional guztiei gonbidapena luzatzen zaie, lehen eskutik ezagut dezaten plan honek eskaintzen dituen aukera eta baliabideak.
